PUPUH DURMA SERTA TEGES/ARTINYA

NO	GENDING	TEGESNYA/ARTINYA
1	Pupuh Durma manggalaning pangastawa	Mamitang lugra titiang Ratu Bhatara, pupuh durma kengin anggen titiang pamucuk atur, sajeroning titiang ngaturang puja pangastawa
2	Katur ring Hyang Saraswati	Sane gumana wantah katur ring paduka bhatari sang hyang saraswati
3	Dewaning aksara	Sajeroning kecap sastra, paduka bhatari kabawos maka dewan aksara maka miwah dewan bebaos, minakadi dewan kaweruh
4	Sarwajnya punang angga	Riantukan sarwa kaweruhr punika, mula wantah anggan paduka bhatari
5	Ring telening jnyana suci	Makawinan raris sajeroning unteng manah titiange sane ening suci tanpateleteh
6	Rekayang titiang	Irika anggan paduka bhatari rekayang titiang, satmaka palinggih suci, manggda prasida baktinin titiang rahina wengi
7	Satmaka palinggih suci

NO	GENDING	TEGESNYA/ARTINYA
1	Mogi ledang mapaica sunar galang	Sesampunnya paduka bhatari linggayang titiang sajeroning padma hredaya, mogi-mogi paduka bhatari arsa ledang mapaica sunar galang apadang
2	Nuntun kajagrane mentik	Sane ngawinang kajagran manaah titiange prasida mentik tur werdhi
3	Oneng malajah nyastra	Mawastu raris manah titiange kadudut malajahang sikian, minakadi malajah nyastra
4	Pedek maring jeng paduka	Malantaran antuk tan mari pedek tangkil ring bukpadan paduka bhatari
5	Candi basa punang linggih	Dawning paduka bhatari kabawosang malingga sajeroning candi basa, sane wenten ring sajeroning pustaka suci, minakadi   weda, dharmasastra, itihasa, purana, lan sakancan punika malih
6	Genah titiang	Pinaka genah titiang nglungsur warah-warah sastra sane mawit saking kecap-kecap pustaka suci
7	Nunas warah sanghyang aji